Matapos magkaroon ng mababang marka ang mga mag-aaral sa Program for International Students Assessment (PISA) 2022, nais ipagamit ng ilang guro ang wikang Filipino upang makatulong sa pagpapataas ng marka.

 

Binanggit ni Reggie Rey Fajardo, Teacher I sa Mariano Ponce National High School at isang Filipino language advocate, isa sa kamalian ng mga guro ay ang paggamit ng ibang wika at hindi Filipino sa pag-administer ng PISA.

 

Aniya, “Siguro panahon na pakinggan ng Kagawaran ng Edukasyon ‘yong sariling wika sa pag-administer ng PISA sa Pilipinas.

 

Dagdag pa niya, mas mapapadali ang pag-intindi ng mga mag-aaral sa mga tanong sa PISA kung wikang Filipino ang ginamit doon.